一個被抬人士的話

一個被抬人士的話 (by makhome)

我身為被抬人士, 想講講,
警員或軍隊之類的確係國家機器, 軍令如山, 要絕對服從,
呢樣野, 正所謂 "絕對服從, 係軍人天職".

睇落好冇人性, 我都好唔中意,
但國家機器, 有時仲係有須要存在.

用馬克思主義術語講,
就係 "國家未消亡之前, 國家機器仲係有須要存在".

所以, 我唔會厭惡警員, 而只會厭惡控制警員0既當權者.
只要警員唔係狼到死, 我唔會怪責警員抬我.

作為國家機器0既警員, 本身亦係勞動人民,
亦好可能會支持民主自由, 只可惜上級要做野, 佢地一定要做.
警員同我地對峙時, 我地叫口號或媽佢地, 佢地有D面有難色,
可能佢地內心好痛苦.

如果國家機器不服從政權, 就係兵變或革命時期啦.
冇理由期望香港警員佢地會咁.

當差0既志願除左賺錢, 就係維持治安啦, 鬼會有人話要打壓示威者?
當兵0既志願除左賺錢, 就係保衛國家人民, 鬼會有人話要鎮壓人民?

所以, 我對抬我0既警員表示同情及理解, 我對佢地亦保持禮貌.