學聯警方四一衝突(二)

尋日乜野情況....
大家響電視跟本睇唔到好多。

三四百人上政府總部聲援，
當中九成人係坐響閘外有秩序靜坐，
但係主流媒體永遠只會影要求衝閘o個幾十人。

學聯代表同長毛、毓民佢地，
多次調番轉叫閘出面情緒激動的示威者冷靜，
多次叫門外的示威者坐番低、
叫企響更亭上面o個個 (我唔想開名)落番黎、
叫佢地唔好煽動民眾衝閘，要和平理性表達訴求，
呢 D 野係電視報紙又見到幾多？

反而係一 D 博出位的人，
卻永遠會是主流媒體的焦點所在。

尋日大部份遮打集會後上去聲援的人，
絕大部份都係因為聽到有人話：
學聯響上面俾警察圍困，
要大家上去聲援。
結果等到大家上到去先知係另一回事....

有部份今朝俾人清場的學聯朋友都話俾我知：
跟本無諗過叫其他人上去
係唔知點解無端端有人叫多左一班人上黎....
因為佢地(學聯)都好清楚，
愈多人就愈難控制場面.....